一個人的餐桌系列— 瑞士芝味漢堡...
最近孤家寡人，自己一個人食飯的時候多了，發覺自家一人食飯也有好處，雖然一次過不能試太多唔同款式嘅食物，但就是自主性大了，喜歡食甚麼菜，甚麼款式，甚麼份量，都是自己話事，有時諗番選擇時的心路歷程都幾得意，因兩個人一齊討論時都會有問有答，但一個人選擇時就會在心裡自問自答：
「我今天中午食咗咩？」
「今晚食漢堡好唔好呢？薯條會唔會熱氣呢？」
「究意食A餐定B餐好呢？隔離個A餐睇落好正喎，但B餐配搭又好吸引……」
透過腦海中的問答題，尋找自己的決定，沒有任何外在因素或別人意見阻撓，純粹憑自己的意向行事，難得的任性時刻，就好好享受吧！
今晚一樣經過腦海裡的一輪角力，決定去一試最近Christian創作推介的瑞士芝味足三両。
漢堡包一向是我這個牛魔王的至愛，而今次這個款式，包身感覺比一般其他的大及鬆軟，漢堡扒當然亦較一般的厚，配埋蒜蓉蛋黃醬，蘑菇及瑞士芝士，確是很吸引。
食落漢堡扒想當然的質素一般，算是有肉汁但不會太豐盈，芝味亦未有想像般的濃，加上此餐廳的一向弊病，一打開包裝紙生菜片東歪西倒，賣相欠奉，正所謂色香味，色字行頭，賣相唔討好已大打折扣。好在蒜蓉蛋黃醬做得出色，酸酸的濃香惹味，令到個包口感夠rich；香烤蘑菇亦較預期的好，不像是一般快餐店罐頭貨色，蘑菇味夠香。這兩款配料成為了此包的靈魂所在，奪回了不少分數。
正所謂一分錢一分貨，雖然此款式已較其他的產品為貴，但三十多元有這些配料的漢堡，加埋薯條汽水，亦不會要求太高，算是超值了，下次有機會還是會再試的。
今晚一個人的晚餐算是滿意收埸，試了想試的，捧著肚子回家去了。
古家私房菜
本肥仔廚藝不算精湛，勝在有三心兩意－－用心、耐心、貼心、創意同心意，見到朋友食得開心嘅同時，我亦覺高興！
Search